SAN MAMES JATETXEA
Ongi Etorri
San Mamés Jatetxea
Bilbok itsasoarekin topo egiten duen lekua
KANTAURI
Sasoiko produktuekin lan egiten dugu. Kantauri itsasoa, baxurako artisau arrantza, baratzea
eta merkatua dira gure sukaldearen ezaugarri nagusiak.
KANTAURI ITSASOA
Goizak Pescados De La Cruzen hasi ohi ditugu. Jaionek, Santurtzitik, Kantauri itsasoko harrapaketa onenak hautatzen ditu, eta, hala, garai batean sardina saltzaileek eguneko arrainik onenekin Bilboraino egiten zuten ibilbidea bizirik mantentzen dugu.
BARATZEA
Mustai Ortuarekin eta beste baratze batzuekin lan egiten dugu; izan ere, urtaroetako erritmo naturalean landatzen dute, eta produktua ulertzeko daukagun modu bera daukate horiek ere.
TXINGARRA
Sua gure memoriaren eta sukaldaritza ulertzeko moduaren parte da. Gure arrantzaleengandik jasotako tradizioa, haientzat itsasoko produktua prestatzeko modu naturala baitzen parrilla.
MENDIA
Gure sukaldaritza itsasoari begira jaio da, baina mendia ahaztu gabe. Horregatik, haragiari ere eskaintzen diogu txoko bat. Kasu honetan, euskal txerria, Maskaradaren eskutik.
Jon eta Miren Belloso
Santurtzitik Bilbora…
Anai-arreba sukaldari hauek Santurtzin (Bizkaia) jaiotakoak dira, eta pasio berak elkartu ditu: sukaldean aritzea eta eurena dela sentitzen dutena zaintzea.
Sukaldaritza ulertzeko duten modua jakin-minetik sortu zaie. Etxean prestatzen zituzten janari haiek piztu zieten, txiki-txikitatik piztu ere, zapore horiek nola lortzen ziren jakiteko gogoa. Denborarekin, jakin-min hori ofizio bihurtu dute, eta ofizioa, bizitza ulertzeko modu.
Gaur, Bilbon dagoen San Mames Jatetxetik sasoiko produktuan, merkatuan eta hurbiltasunean oinarritutako sukaldaritza defendatzen dute. Kantauri itsasoarekin, arrantzaleekin eta itsasoa errespetatzeko eta ulertzeko moduarekin lotura handia duen sukaldaritza da. Baina baita Bizkaiko baratzeekin, nekazariekin eta gure ondare gastronomikoa bizirik mantentzeko egunero lan egiten duten abeltzainekin lotura duena ere, besteak beste, euskal txerria eta beste arraza autoktono batzuk berreskuratuz eta zainduz, Maskarada eta pareko proiektuen eskutik.
Izan ere, haientzat, bertako produktua defendatzeak hura zaintzen, lantzen eta gure nortasunaren parte izaten jarraitzea ahalbidetzen duten pertsonei balioa ematea ere esan nahi du.
Produktua da abiapuntua eta protagonista. Ondoren, errespetuz prestatu behar da, beharrezkoa denean esku hartuta, baina bere kabuz hitz egin dezan utzita. Hortik, begirada propioa eraiki dute euskal errezeten liburu garaikidean, gure sustraiak eta memoria bizirik gordetzeko asmoz.
Gure esperientzia
Hasiera partekatu baten ondoren, mahaikide bakoitzak bere ibilbidea osatuko du, gure sukaldariek sortutako paseetan zehar.
Aukeratu zure bonu gogokoena
Eta gozatu gure gastronomiaz, 2 pertsonentzako daukagun opari paregabe honekin. Aukeratu 3 edo 4 paseko menua eta oparitu San Mames Jatetxeak eskaintzen duen esperientzia gastronomikoa.
